LS hefur tekið saman tölur um grásleppuveiðina á Norður- og N-Austurlandi til og með Vopnafirði. Á öllum veiðistöðum svæðisins er veiði minni en í fyrra. Hjá grásleppukörlum á Skaga er veiðin aðeins þriðjungur af því sem var í fyrra og á Vopnafirði er hún innan við 50% af því sem komið var á land á sama tíma á vertíðinni 2004. Þá var búið að salta í 828 tunnur en í ár aðeins 386. Sömu sögu er að segja af Ströndum, Dalvík og Ólafsfirði.
Mest hafði verið veitt á Bakkafirði, en þar var í gær búið að salta í 520 tunnur en talan komin yfir 800 á sama tíma í fyrra.
Á Raufarhöfn, Þórshöfn og Kópaskeri hefur veiðin verið þokkaleg, en þó fimmtungi minni en 2004.
Á svæðinu öllu er nú búið að salta grásleppuhrogn í 7-1-3 tunnur en í fyrra voru þær orðnar 8-4-5. Verði minnkun veiðanna á öðrum svæðum svipuð má gera ráð fyrir að heildarveiðin verði milli 6 og 0-0-7 tunnur á móti 0-8-11 tunnum í fyrra.
Tekjutap grásleppuveiðimanna er því gríðarlegt milli ára því ofan á slaka veiði bætist við að verð nú er fjórðungi lægra en meðalverð síðustu vertíðar.