Aðalfundur Kletts var haldinn á Akureyri sunnudaginn 28.
september sl.

Fundarsókn var góð, en í ræðu formanns félagsins Péturs
Sigurðssonar hefur félagsmönnum fækkað mikið á undanförnum árum.  2004 voru bátar í eigu félagsmanna 142
en það sem af er yfirstandandi ári hafa 67 bátar landað afla.

Fundurinn sendi frá sér fjölmargar ályktanir. Meðal þeirra
voru:

• Áskorun til sjávarútvegsráðherra að auka þorskkvótann nú þegar.  Útgerðirnar, fiskvinnslan og
  byggðalögin komast ekki af til lengdar með núverandi þorskkvóta.
• Klettur
  vill skýrari reglur um byggðakvótann og það sé með öllu óþolandi að hugtökunum
  byggðarlag og sveitarfélag skuli vera rúllað fram og aftur í núverandi reglugerð með tilheyrandi mistúlkun.
• Aðalfundur
  Kletts er hlynntur því að komið verði á handfærakerfi með miklum takmörkunum
  til að tryggja nýliðun i greininni.
• Klettur
  skorar á sjávarútvegsráðherra að hækka nú þegar prósentu í línuívilnun og
  tryggja að hún nái til allrar línu sem unnin er í landi hvort sem hún er
  landbeitt eða stokkuð upp.
• Aðalfundur
  Kletts skorar einnig á ráðherra sjávarútvegs- og landbúnaðarmála að loka
  Eyjafirði og Skjálfanda fyrir dragnótaveiðum allt árið.
• Klettur
  er andvígur þorsknetaveiðum krókabáta.

Stjórn
Kletts skipa eftirtaldir:

Pétur Sigurðsson                          Árskógssandi
– jafnframt fulltrúi Kletts í stjórn LS

Sigfús Jóhannesson              Grímsey

Svanur Ottósson                         Dalvík           

Sigurður Kristjánsson            Húsavík           

Þröstur  Jóhannsson             Hrísey
– jafnframt varafulltrúi Kletts í stjórn LS