Eins og fram hefur komið hér á síðunni hafa menn áhyggjur af lækkandi þorskverði og háu leiguverði. Þetta hefur komið nokkuð vel fram í fréttum undanfarið, m.a. þessari frétt:
http://vf.is/Frettir/9-5-3/default.aspx
Það er með ólíkindum að skoða þróunina á þorskverði fyrstu daga febrúarmánaðar (2.-12.) árin 9-20-2007. Meðalverð á slægðum þorski á fiskmörkuðum er nú 11% lægra en það var á þessu tímabili 2007 og 31% lægra en 2008. Verðið á óslægðum þorski hefur hrapað enn meir frá árinu 2008, um heil 45% og er ögn lægra en það var 2.-12. febrúar 2007 (sjá graf).
Síðustu daga hefur talsvert verið fjallað um hátt leiguverð á þorski. Svo hart gengur þetta að sumir íhuga að leggja bátum sínum og lái þeim hver sem vill. Í dag virtist einhver breyting vera að eiga sér stað. Grafið hér að neðan sýnir þróunina 2.-12. febrúar s.l.
Meðalleiguverð í krókaaflamarkinu þessa daga var 177 kr. en 188 kr. í aflamarkinu. Samkvæmt vef Fiskistofu voru leigð um 177 tonn í krókaaflamarkinu og 551 tonn í aflamarkinu. Þetta gerir rúm 80 tonn hvern virkan dag. Í þeirri tölu er ekki það magn sem skiptir um hendur þegar verið er að skiptast á veiðiheimildum. ´
Lélegir þorskárgangar gefa furðugóðan afla
