fundum svæðisfélaga LS sem nú eru haldnir í aðdraganda 25. aðalfundar 15. og 16.
október nk. hefur krafa um aukinn kvóta í þorski verið hávær.
Fram
hefur komið að félagsmenn eru sammála um að ráðherra hafi ekki átt að fara að
tillögu Hafrannsóknastofnunarinnar um hámarksafla í þorski. Forsendur hafi ekki verið fyrir því að
minnka kvótann úr 160 þús. í 150 þús. tonn. Bent er á að ástand í sjónum hafi sjaldan verið betra
en nú; þorskurinn vel haldinn og stærðardreifing
aflans góð.
Einnig er bent
á að meðal þess sem réð ákvörðun að fara með þorskkvótann niður í 130 þús. tonn
2007 hafi verið gott ástand í efnahagsmálum þjóðarinnar. Það væri borð fyrir báru
og mundi skila sér í hraðari uppbyggingu á stofninum. Jafnvel bent á að innan fárra
ára mundi það skila okkur inn í ársveiði upp á 300 þús. tonn.
Í þriðja lagi var tillaga Hafrannsóknastofnunar
ekki sannfærandi þar sem stofnunin ráðlagði 124 þús. tonna veiði á sl. fiskveiðiári.
Leyfður afli varð hins vegar 30% meiri. Þrátt fyrir þá staðreynd mælti
stofnunin með rúmlega fimmtungs aukningu.
Nokkur
svæðisfélaga LS skora á ráðherra að bæta nú þegar 70 þús. tonnum við
þorskkvótann. Auk góðs ástands á
þorskinum er bent á nauðsyn þess fyrir þjóðarbúið. Það þurfi á auknum útflutningstekjum að halda, veik króna
hámarki þær enn meir. Þá er
nauðsynlegt að koma sér betur fyrir á mörkuðum áður en gríðarlegt magn þorsks
fer að berast úr Barentshafinu.
Það þolir því enga bið að bæta við þorskkvótann.
,
