Aðalfundur Fonts var haldinn á Raufarhöfn 7. október sl. Fundurinn var mjög vel sóttur og greinilegt að mikill áhugi er hjá félagsmönnum að fylgjast með og hafa áhrif á það sem sent er á aðalfund LS.
Almenn ánægja var með strandveiðikerfið að því undanskildu að dagsafli verði mældur í þorskígildum en ekki kílóatölu.
Á fundinum spunnust umræður um byggðakvótann, niðurstaða þeirra var eftirfarandi samþykkt: „Fontur
leggur til að aðalfundur LS beiti sér fyrir lagfæringum á úthlutun byggðakvóta
þannig að fiskiskip geti landað öllum afla sínum á fiskmarkað
á viðkomandi svæði. Einnig sé þess
krafist að byggðakvóta sé úthlutað
í byrjun fiskveiðiárs.“
Umræða um síendurtekinn og stórfeldan niðurskurð á kvóta í ýsu og þorski var ekki síður lífleg. Mikil óánægja var með ákvörðun um heildarafla í þeim tegundum, hún væri ekki í takt við upplifun sjómanna, veiðar gengju vel og allt bendi til að stofnarnir séu vel á sig komnir. Sama ætti við um tegundir eins og löngu, keilu og skötusel. Samþykkt var að skora á ráðherra að auka veiðiheimildir í þorski nú þegar um 80 þús. tonn.
Aðalfundur Fonts vill að LS beiti sér áfram fyrir eflingu línuívilnunar.
Skilaboðin eru skýr til aðalfundar LS um Evrópusambandsaðild, vilja að hann hafni alfarið inngöngu Íslands í sambandið.
Fundurinn mótmælti harðlega fyrirhuguðum hugmyndum
stjórnvalda um fyrningarleið.
Mikil og löng umræða varð um grásleppuveiðar, enda flestir félagsmanna sem eiga mikið undir að þær gangi vel. Á síðustu vertíð var fjórðungur heildargrásleppuaflans veiddur á félagssvæði Fonts tæpar 3000 tunnur. Samþykkt var:
„Að veiðitímabili
á grásleppuvertíðinni 2010 verði verði aldrei lengra en 70 dagar
á hverju veiðisvæði, veiðidagar verði 50 og byrjunartími 20. mars á
veiðisvæðum E og F“.
Í stjórnarkjöri bar það til tíðinda að Haraldur Sigurðsson gaf ekki kost á sér sem formaður. Í hans stað var kosinn Jón Tryggvi Árnason
Kópaskeri. Jóni Tryggva er hér með óskað til hamingju með kjörið um leið og Haraldi Sigurðssyni er þökkuð formennska í Fonti og skeleggan málflutning fyrir auknum réttindum trillukarla.
Auk Jóns Tryggva eru í stjórn Fonts:
Ragnar
Axel Jóhannsson gjaldkeri Raufarhöfn
Áki
Guðmundsson Bakkafirði
Sæmundur
Einarsson Þórshöfn
Heiðar Kristbergsson Vopnafirði
,
