komin skýrsla Matís ohf. um greiningu á nýtingu sjávarafla hér við
land. Skýrslan er unnin fyrir sjávarútvegs-
og landbúnaðarráðuneytið og hefur verið í vinnslu í tæpt ár.
Skýrslan er öll hin fróðlegasta og sýnir m.a. að hægt er
að gera betur í að hámarka verðmæti þess sem veitt er. Í samandregnu úr skýrslunni segir
m.a.:
„Niðurstöður þessarar skýrslu sýna að verulegur
munur var á nýtingatölum í landvinnslu og sjóvinnslu þ.s. flakanýting, hausanýting
og nýting á aukaafurðum var umtalsvert lakari hjá frystitogaraflotanum.“
Í fréttatilkynningu í tilefni af útkomu skýrslunnar
sem birt er á heimasíðu sjávarútvegs- og landbúnaðarráðuneytisins segir Jón
Bjarnason eftirfarandi:
„Það er mín skoðun að koma eigi með allan afla að
landi. Þetta snýr að siðlegri
umgengni okkar við sjávarauðlindina og séu á því gerðar undantekingar, þá séu þær
vel ógrundaðar. Möguleikar á nýtingu
ýmissa aukaafurða hafa batnað mjög á undanförnum áratug. Nú er búin til fullgild vara úr
aukaafurðum sem engum manni datt í hug að hirða hér áður fyrr. Því er ekkert sem segir að við getum
ekki komið með allan afla að landi og gert það með ágætum hagnaði í nánustu
framtíð. Skýrsla Matís er gott innlegg
inn í umræðu sem nausynlegt er að fari fram á næstunni um þetta málefni.“
