Áhætta er eitt af því sem örvar okkur mannskepnurnar til dáða. Margir fá slíka útrás við að stökkva í teygju fram af hamrabjörgum eða út úr flugvél með lítinn flugdreka á bakinu. Þeir allra áhættusæknustu taka þátt í prófkjöri á Íslandi fyrir sveitarstjórnakosningar.
Ein af þessum áhættum er að fara á veitingastað í Japan eða Suður-Kóreu og panta Blásfisk (Blowfish). Roðið og hluti innyfla þessa fisks er baneitraður, en fiskholdið lostæti í huga Japana og Kóreumanna. Kokkarnir á viðkomandi veitingastöðum ganga í gegnum stranga þjálfun áður en þeir eru ráðnir til starfa.
Í Asíu láta u.þ.b. 12 manns lífið árlega við það eitt að leggja sér Blásfisk til munns.
Á íslandsmiðum er ekki sambærilegan fisk að finna. Engu að síður hafa fiskimenn og fleiri lent í því að leggja sér til munns eitraðar kuðungategundir sem framkalla heiftarlegar sjóntruflanir og veikindi. Frægasta dæmið um þetta er að finna í einni af frásögnum Gylfa Ægissonar, þá hann var staddur austur af Vestmannaeyjum.
Mynd: Sakleysislegt kvikindi. En getur jafnframt verið banvænt.
. 
