Í
hádegisfréttum RÚV var fjallað um boðaðar breytingar á lögum um stjórn
fiskveiða.  Þar sem fréttastofan segist
hafa frumvörpin undir höndum verður að telja fréttina áreiðanlega.   Þar segir m.a. að:

·     
15%
kvótans verði tekin af útgerðarmönnum

·     
helmingur
kvótaaukningar fari í leigupotta

·     
sveitarfélög
fái fullt forráð yfir byggðakvóta

·     
strandveiðar
verði treystar í sessi

·     
veiðigjald
verði tvöfaldað

·     
framsal
verði óheimilt nema í undantekningartilfellum

·     
veðsetning
kvóta verði óheimil nema í undantekningartilfellum

·     
gerðir
verði nýtingasamningar við útgerðina til 15 ára

·     
heimildir
til að landa meðafla verði rýmkaðar

Af
flestu framantöldu er ljóst að framundan er mikil barátta hjá LS við að verja smábátaútgerðina.  Mjög er áríðandi að koma sjónarmiðum
trillukarla á framfæri og leggja áherslu á mikilvægi smábátaútgerðarinnar fyrir
hinar dreifðu byggðir.  Að öllu jöfnu er
hún í yfirburðastöðu í að útvega fiskvinnslunni besta hráefnið sem gefur hæsta
útflutningsverð.  Smábátaveiðar eru
umhverfisvænar, olíunotkun hvergi lægri og eftirspurn eftir þeirri
hágæðamatvöru sem fiskurinn frá þeim er eykst jafnt og þétt.