Aðalfundur Hrollaugs var haldinn 27. september sl.  Fundurinn var ágætlega sóttur og fjöldi spurninga sem vaknaði hjá Hornfirðingum.  Í umræðunni var m.a. komið inn á strandveiðar, línuívilnun, byggðakvóta, makrílveiðar og þrengingar á línuveiðar vegna reglugerðarlokana.

Eftirfarandi vill Hrollaugur að rætt verði á aðalfundi LS:

• Að línuívilun nái til allra dagróðrabáta og að LS beiti sér að krafti til að ná því fram.

• Makrílveiðar.  Haldið verði fast í þann pott sem ætlaður er til makrílveiða minni báta. 

• Geymsluréttur verði 20% í stað 15%.

• Aðalfundur Hrollaugs mótmælir öllum reglugerðarhólfum fyrir línuveiðum út af Suðausturlandi. 

Greinargerð:   Reglugerðarhólfin eru út af smákeilu.  Leggjum við til að stærðarmörk á Keilu verði lækkuð, þannig að hægt sé að stunda línuveiðar frá Hornafirði með góðu móti.

 

Í lok fundar var kosið í stjórn Hrollaugs, hún er skipuð eftirtöldum: 

Arnar Þór Ragnarsson   formaður

Unnsteinn Þráinsson    gjaldkeri

Ívar Smári Reynisson    ritari