Landssamband smábátaeigenda hefur skilað umsögn um frumvarp til laga um veiðigjald. Frumvarpið veldur LS vonbrigðum en bindur vonir sínar við að atvinnuveganefnd, sem nú hefur málið til meðferðar, geri á því breytingar.
Helstu atriði frumvarpsins sem breytt er frá núverandi lögum eru:
1. Fastur afsláttur sem nú er 250 þús. á sérstakt veiðigjald verður afnuminn. Í stað hans
verður veittur afsláttur frá og með fiskveiðiárinu 2016/2017 að hámarki 100 þúsund á
veiðigjald sem er lægra en 1 milljón. Ekki er gert ráð fyrir afslætti á næsta fiskveiðiári.
Veldur allt að 127% hækkun milli ára.
2. Almennt og sérstakt veiðigjald verða sameinuð í eitt gjald
3. Veiðigjald verður innheimt með staðgreiðslu
4. Afsláttur af veiðigjaldi vegna skulda sem urðu til við kvótakaup verður skertur
5. Veiðigjald hækkar í helstu tegundum sem smábátar veiða.
