Gefin hefur verið út reglugerð um ráðstöfun 2.000 tonna viðbótaraflaheimilda á markíl á árinu 2015. Samkvæmt henni er hún eyrnamerkt til smábáta – báta styttri en 15 metra að mestu lengd og minni en 30 brúttótonn að stærð.
Reglugerðin er sett með stoð í lögum um stjórn fiskveiða þar sem vísað er til ákvæðis til bráðabirgða VIII. Veiðiheimildir til smábáta eru þar með komnar í 9.026 tonn sem jafngildir 5,2% heildarúthlutunar.
Helstu atriði reglugerðarinnar eru:
- Reglugerðin gildir um aflaheimildir á makríl á árinu 2015
- Greiða þarf gjald – 8 krónur – fyrir hvert kíló
- Bátar sem fengu úthlutað 27 tonnum eða meira samkvæmt reglugerð 532/2015 þurfa að hafa veitt 80% sinna veiðiheimilda til að öðlast rétt til úthlutunar úr 2.000 tonna pottinum.
- Bátar sem eru innan framangreindra stærðarmarka og fengu enga úthlutun eða minni en 27 tonn geta fengið úthlutað án veiðiskyldu.
- Framsal á heimildum úr 2.000 tonna potti er óheimilt.
- Hámarksúthlutun á bát eru 15 tonn.
