Hinn 20. september sl. var haldinn aðalfundur Stranda. Fundurinn var á Hólmavík og voru umræður snarpar um hin ýmsu málefni smábátaútgerðarinnar. Einkum var langlíf umræða um ákvörðun sjávarútvegsráðherra um heildarafla hvers fiskveiðiárs, sem lauk með eftirfarandi ályktun:
„Aðalfundur Stranda mótmælir þeirri ákvörðun sjávarútvegsráðherra að framselja vald til ákvörðunar á heildarafla og þar með lífskjörum þjóðarinnar til Hafrannsóknastofnunar.Fundurinn leggur áherslu á að við ákvörðun um heildarafla hvers fiskveiðiárs verði sjávarútvegsráðherra skylt að leita til óháðra aðila er varðar áreiðanleika gagna Hafrannsóknastofnunar og áhrifum á helstu markaði.
Meðal annarra málefna á fundinum voru strandveiðar, makríll, gjaldtaka hins opinbera og grásleppumál. Fundurinn samþykkti eftirfarandi þessu tengt:
Mótmælt er harðlega öllum hugmyndum um kvótasetningu á grásleppu.
Kvótasetningu á makríl var mótmælt harðleg og skora Strandir á stjórnvöld að taka upp fyrra stjórnkerfi við veiðar smábáta á makríl.
Aðalfundur Stranda skorar á LS að kvika ekki frá kröfunni um 16% hlutdeild smábáta í útgefnum heildarafla.Strandr mótmæla síaukinni gjaldtöku á útgerð smábáta sem byggðar eru á úreltum reglum frá hinu opinbera.
Strandr skorar á þingmenn NV-kjördæmis að beita sér fyrir auknum afla til strandveiða þannig að ekki komi til stöðvunar veiða í miðjum mánuði.
Stjórn Smábátafélagsins Stranda var endurkjörin, en hana skipa:
Formaður: Haraldur Ingólfsson DrangsnesiRitari: Anna Þorbjörg Stefánsdóttir HólmavíkGjaldkeri: Már Ólafsson Hólmavík
Frá Norðurfirði
