Það er alltaf ánægjulegt þegar félagsmenn hafa samband við skrifstofuna og vekja athygli á því hvernig hægt er að auka öryggi til sjós. Í vaxandi mæli reiða menn sig á símann þegar koma þarf boðum frá sér eða taka á móti t.d. beiðni um aðstoð. Þá er eins gott að símtækið sé í lagi, virki eins og til er ætlast.
Nokkur dæmi eru um að menn hafa kosið að hafa tvö símtæki, annað á sér og hitt inni í stýrishúsi. Vandamálið við það er að þá þarf að hafa tvö simanúmer, sem getur að sjálfsögðu orðið til þess að ekki næst í viðkomandi þar sem menn eru yfirleitt með eitt leiðandi númer.
Við eftirgrennslan hefur komið í ljós að Síminn býður upp á sérstakt kort sem hægt er að hafa í tveimur símum sem inniheldur sama símanúmer.
Sjá nánar Tvíburakort
