Afli krókaaflamarksbáta á fyrri helmingi fiskveiðársins er 7.220 tonnum meiri en á sama tíma á sl. fiskveiðiári – 24% aukning.
Í tonnum talið er aukningin mest í þorski 5.823 tonn – 29%. Athygli vekur einnig mikil aukning í steinbít.
Nýting veiðiheimilda
Krókaaflamarksbátar hafa nýtt nokkru meira af aflaheimildum sínum í þorski og ýsu en í fyrra. Í þorski var þetta hlutfall 53% (48%) og í ýsu 78% (72,4%).
Þessu er öfugt farið í þorskinum hjá aflamarksskipum. Nýtingin nú 58,1% (56,1%), en ýsunni hefur veruleg aukning orðið milli ára úr (46,9%) í 53%.
Mikill samdráttur í heildarafla
Fiskistofa hefur gefið út aflatölur af veiðum á fyrri helmingi yfirstandandi fiskveiðiárs. Alls veiddust 472 þúsund tonn á móti 648 þúsund tonnum á sama tíma á fiskveiðiárinu 2014/2015, samdráttur um 27,2%.
Helstu ástæður þessa er minni síldar- og loðnuafli, 32% minna af síld og 90% lækkun á aflatölum í loðnu.
Aukning í botnfiski
Alls eru 18 tegundir sem falla undir botnfisk. Ánægjulegt er að sjá að þar hefur afli aukist um 8,3%. Alls veiddust á Íslandsmiðum 233.707 tonn sem er aukning um rúm 17 þúsund tonn. Þorskur var um 60% af heildarbotnfiskaflanum.
Taflan hér að neðan sýnir afla í helstu botnfisktegundum á tímabilinu 1. september – 29. febrúar fiskveiðiárið 2015/2016 og sama tímabil 2014/2015.
Tölur unnar upp úr
grunni hjá Fiskistofu
