Í fréttum RÚV í dag var fjallað um þann vanda sem upp er kominn í strandveiðum á svæði D vegna skerðingar á veiðiheimildum um 200 tonn.  Smábátaeigendur á svæðinu fengu að þeim sökum aðeins að róa 4 daga í júlí.  Lokað og læst frá og með 8. júlí til mánaðarmóta.  

Ásmundur Friðriksson (D) tjáði megna óánægju sína með skerðinguna, með því væri verið að rugga bátnum með fyrrgreindum afleiðingum.  Í viðtalinu tók hann undir með LS að það hefði ekki verið vel að verki staðið, en tók fram að þingmenn gætu ekki borið ábyrgð á því.   Hann sagði megna óánægju vera í báðum stjórnarflokkunum með ákvörðun ráðherra.