Á aðalfundi LS flutti Örn Pálsson framkvæmdastjóri skýrslu sem innihélt helstu málefni sem snerta smábátaeigendur.  

Hann hóf mál sitt á að geta um tvær viðurkenningar sem veittar voru smábátaeigendum á árinu. 

Axel Helgason trillukarl ársins, hann smíðaði bát sinn sjálfur, makrílveiðibúnað bátsins sem þykir sérlega vandaður og öruggur, auk þess að vera með þeim aflahæstu á makrílnum einn síns liðs. 

Þorvaldur Gunnlaugsson fyrir góða umgengni um hafið, fyrirmyndarstarf í úrgangsmálum og framsækna hugsun varðandi nýja orkugjafa til sjós.

Þá vék Örn að umræðunni um veiðigjald og uppboðsleið og mikilvægi þess að útgerðir sem ekki hefðu vinnslu á bakvið sig fengju afslátt af veiðigjaldi.  

Hann gagnrýndi að auðlindaumræðan einskorðist við sjávarútveginn.  

Vakti athygli á að greiða ætti fyrir að heimsækja Ísland, gjald á ferðaþjónustuaðila sem selja ferðir til að skoða helstu náttúruperlur þjóðarinnar.

Lýsti áhyggjum yfir lækkandi fiskverði, samkvæmt tölum Hagstofunnar væri kíló af aflaverðmæti þorsks í maí sl. 13,3% lægra en í sama mánuði 2015.   Ánægjulegar fréttir bærust hins vegar af útflutningi á ferskum þorski, þar hefði tekist að hækka verð þegar tekið væri mið af styrkingu krónunnar gagnvart gjaldmiðlum okkar helstu viðskiptalanda.

Hér er aðeins drepið á fyrstu kafla í skýrslu Arnar.   

Sjá skýrsluna í heild: