Nýverið átti LS fund með ráðherraskipuðum starfshópi sem fékk það verkefni að skoða löggjöf og framkvæmd byggðakvótans. Á fundinum voru fjölmargt sem LS ræddi við nefndina.
Meðal þess var:
- Verðlagning afla
- Samningar – staða seljenda
- Greiðslutryggingar
- Fækkun vinnsluaðila
- Krafa um aukna sérhæfingu
LS lagði áherslu á að:
- heimildir til byggðakvóta yrðu skilyrtar til sveitarfélaga samkvæmt reglum sem mótaðar hafa verið.
- réttur til nýtingar væri hjá útgerðum sem skráðar væru í viðkomandi byggðarlagi og bátar í þeirra eigu sem skráðir eru með heimahöfn í byggðarlaginu og stunda dagróðra þaðan, enda hafi viðkomandi uppfyllt framangreint á næstliðnu fiskveiðiári.
Varðandi úthlutun eru tillögur LS þessar:
- Með ívilnun á aflaheimildir við löndun með sambærilegum hætti og gildir um línuívilnun
- 10 tonnum úthlutað í upphafi hvers fiskveiðiárs til útgerða þar sem eigandinn hefur átt heimilisfesti í byggðarlaginu sl. 10 ár.
Sala aflans
- Fiskvinnsla í viðkomandi byggðarlagi hefur forkaupsrétt af afla þeirra báta sem njóta byggðaívilnunar.
- Greitt verði meðaltalsverð sem fæst á nærliggjandi fiskmörkuðum á löndunardegi
- Greiðslufyrirkomulag og greiðslutrygging verði með sama hætti og hjá aðilum sem kaupa af fiskmörkuðum.
- Þar sem ekki er fiskvinnsla skal aflinn boðinn upp á fiskmarkaði.
Starfshópnum er ætlað að skila lokaniðurstöðum eigi síðar en 6. júlí nk.
