Strandveiðibátum verði heimilt að fá farþegaleyfi samhliða strandveiðileyfi og megi bjóða til sölu ferðir á strandveiðar að uppfylltum öryggiskröfum Samgöngustofu.  Fjöldi farþega í hverjum báti ræðst af stærð báts og öryggisbúnaði.

 

Á banndögum í strandveiðikerfinu og ef einhverra hluta vegna komi til stöðvunar veiða verði strandveiðibátum heimilt að bjóða upp á sjóstangaveiðiferðir og falli þá undir kröfur Fiskistofu um 49 fiska á dag.

Með þessu myndu tækifæri innan strandveiðikerfisins aukast til muna og bátarnir fengju betri nýtingu við atvinnusköpun allt í kringum landið. Kerfið yrði um leið fýsilegra fyrir nýliða.