Aðalfundur Sæljóns var haldinn 19. september sl. Skagamenn fjölmenntu til fundar þar sem setið var á hverjum stól.
Jóhannes Símonsen formaður Sæljóns opnaði fundinn og sagði frá því helsta sem á daga stjórnarinnar hefði drifið á starfsárinu.
Sæljón lagðist gegn breytingum sem gerðar voru á strandveiðum. Óttuðust eins og aðrir að vera stöðvaðir áður en veiðitímabili lyki. Vaxandi krafa væri meðal Sæljónsmanna að Akranes verði skilgreint með vestursvæðinu, tilheyri svæði A.
Formaður kvað fast að orði þegar hann ræddi um fyrirhugaðar lokanir á línu- og handfæraveiðar í Faxaflóa. Kæmu tillögurnar til framkvæmda blasti ekkert annað við en að leggja árar í bát í orðsins fyllstu merkingu.
Jóhannes sagði það miður að allir smábátaeigendur á Akranesi væru ekki félagsmenn í Sæljóni og beindi þar orðum sínum að eigendum báta yfir 20 brúttótonnum. Hann hvatti félagsmenn að ræða við þessa aðila og fá þá á fund þar sem þeirra baráttumál væru ávallt til umræðu á fundum smábátaeigenda.
Stjórn Sæljóns:
Jóhannes Símonsen formaðurGuðmundur Páll Jónsson ritariRögnvaldur Einarsson gjaldkeriBöðvar Ingvason meðstjórnandiGuðmundur Elíasson meðstjórnandi
Tillögur Sæljóns til 34. aðalfundar LS
