Kristján Þór Júlíusson sjávarútvegs- og landbúnaðarráðherra hefur skipað nefnd sem ætlað er að endurskoða aflareglu fyrir þorsk.
Í núverandi aflareglu er kveðið á um að veiðihlutfallið sé 20 prósent af viðmiðunarstofni, sem er fjögurra ára þorskur og eldri. Til að draga úr sveiflum í afla vegur kvóti ársins á undan jafnt og 20 prósenta veiðihlutfallið.
Útreikningur leyfilegs heildarafla samkvæmt aflareglu fyrir fiskveiðiárið 2019/2020:
(Aflamark á fiskveiðiárinu 2018/2019 + 20% af viðmiðunarstofni 2019) / 2
(264.437 + 0,2 * 1.401.925) / 2 = 272.411 tonn
Örn Pálsson er fulltrúi LS í nefndinni, auk hans eru í henni eftirtalin:
- Sigurgeir Þorgeirsson frá ANR, sem jafnframt er formaður nefndarinnar.
- Brynhildur Benediktsdóttir frá ANR
- Árni Bjarnason frá samtökum sjómanna
- Edda Elísabet Magnúsdóttir frá Háskóla Íslands
- Guðmundur Þórðarson frá Hafró
- Guðrún Arndís Jónsdóttir frá Háskólanum á Akureyri
- Kristján Þórarinsson frá SFS
Núverandi aflaregla hefur verið í gildi frá árinu 2007, sjá skýrslu Hagfræðistofnunar Háskóla Íslands.pdf Aflareglan var yfirfarin af Alþjóðahafrannsóknaráðinu (ICES) 2009 og endurskoðuð 2014-2015 og þá framlengd óbreytt til fimm ára.
Árin 2010 og 2011 var nefnd að störfum sem skipuð var að þáverandi sjávarútvegsráðherra Jóni Bjarnasyni. „Samráðsvettvangur sjávarútvegs- og landbúnaðarráðherra um nýtingu helstu nytjafiska. „Verkefni hópsins var að meta núverandi nýtingarstefnu og aflareglu fyrir þorsk og kanna hvort rétt væri að leggja til breytingar þar á eða bæta enn frekar fræðilegan grunn þeirra, eins og segir í inngangi skýrslunnar.
Hér á heimasíðu LS hafa margar fréttir birst þar sem fjallað er um aflareglu stjórnvalda. M.a. kom fram gagnrýni á ákvörðun á leyfilegum heildarafla í þorski á yfirstandandi fikveiðiári, að ekki væri tekið tillit til þess að undanfarin ár hefur afli verið undir þeim mörkum sem aflaregla segir til um.
Sjá nánar: Hver er túlkun Alþjóðahafrannsóknaráðsins.
http://www.smabatar.is/2019/06/hver-er-tulkun-aljoahafrannsok.shtml
Þá hefur verið bent á að nauðsynlegt sé að hafa sveigjanleika á aflareglu þannig að hægt sé að taka tillit til sjónarmiða sjómanna. Bregðast við óvæntum breytingum, mistökum, van- eða ofmati.
Milljarðar í húfi – skýrsluna á borðið.
http://www.smabatar.is/2015/07/milljarar-i-hufi-skyrsluna-a-b.shtml
Sjá einnig:
Endurskoðun á aflareglu í þorski.
http://www.smabatar.is/2015/06/endurskoun-aflareglu-i-orski.shtml
Aflaregla býður ekki upp á sveigjanleika í ákvörðunartöku.
http://www.smabatar.is/2013/07/aflaregla-byur-ekki-upp-a-svei.shtml
Félagsmenn eru hvattir til að senda ábendingar um hvað þeir telji helst þurfi að hafa hugfast við ráðgjöf um ákvörðun á heildarafla.
