Undirbúningur aðalfundar er nú að komast á lokastig. Svæðisfélögin hafa flest fundað, samþykkt ályktanir, kosið í stjórn og fulltrúa á aðalfund Landssambands smábátaeigenda.
Aðalfundur LS verður settur nk. fimmtudag 14. október kl 13:00. Fundurinn verður með hefðbundnum hætti, haldinn á Grand Hótel.
Fundurinn verður að venju opinn öllum félagsmönnum LS og eru menn hvattir til að skrá sig og fjölmenna til fundar.
Kjörnir fulltrúar eru 36 og skiptast á svæðisfélögin 15 eftir fjölda báta hvers og eins. Öllum félögunum er þó tryggður einn fulltrúi. Auk þessa er stjórn félagsins og framkvæmdastjóri með atkvæðisrétt á fundinum.
Bátar í eigu félagsmanna eru 790, sem er fjölgun um 90 frá í fyrra. Stærsta félagið er Snæfell þar sem bátarnir eru 108.
