Reglugerð um grásleppuveiðar 2022 hefur verið undirrituð. Hún mun birtast í Stjórnartíðindum nk. föstudag og verður þá aðgengileg hér á síðunni.
Reglugerðin er lítið breytt frá í fyrra. Upphafsdagur vertíðar verður 20. mars og gildir veiðileyfið í 25 daga. Á fyrstu vikunum í apríl verður tekin ákvörðun um hvort ástæða sé til að fjölga dögum útfrá niðurstöðum úr togararalli. Hafrannsóknastofnun mun þá gefa út ráðgjöf um leyfilegan heildarafla á vertíðinni.
