Atvinnuvegaráðherra hefur undirritað reglugerð um breytingu á reglugerð nr. 745/2016 um vigtun og skráningu sjávarafla.

Í reglugerðinni er kveðið á um að vigtun strandveiðiafla skuli lokið á hafnarvog. Vigtarmanni er heimilt að draga allt að 3% frá vegnum afla vegna áætlaðs íss í afla eftir að hafa gengið úr skugga um að aflinn sé ísaður.

Reglugerðin var birt í Stjórnartíðindum í dag og hefur þar með tekið gildi.

Samþykktir aðalfundar LS um vigtun eru eftirfarandi:

Að endurvigtun verði aflögð og allur afli endanlega vigtaður á hafnarvog (2023)

Að allur afli sé endanlega vigtaður á hafnarvog í löndunarhöfn nema þegar landað er á fiskmarkað þar sem fiskur er flokkaður og vigtaður af löggiltum hafnarvigtarmanni. (2022)