Aðalfundur Eldingar var haldinn á Ísafirði sl. sunnudag 22. september. Í upphafi fundar fór Sigurður Kjartan Hálfdánsson formaður félagsins yfir það helsta í starfsemi Eldingar á sl. starfsári. Hann kom víða við og brýndi menn til samstöðu sem væri forsenda áframhaldandi árangurs í að tryggja framgang smábátaútgerðarinnar.
Á fundinum flutti Ásgeir Gunnarsson fiskifræðingur og sérfræðingur í steinbít erindi. Innlegg Ásgeirs var afar fróðlegt og spannst upp úr því lífleg umræða um steinbítinn og lifnaðarhætti hans.
Meðal tillagna sem fundurinn samþykkti voru:
• Allir krókabátar fái ívilnun, þar með taldir handfærabátar
• Aðalfundur Eldingar skorar á ráðherra að auka strax við úthlutað aflamark í ýsu vegna gríðarlegrar ýsugengdar á grunnslóð.
• Áfram skal unnið að því að línuívilnun komi á alla dagróðabáta
Sigurður Kjartan Hálfdánsson Bolungarvík var endurkjörinn formaður Eldingar.
Á myndinni: Sigurður Kjartan formaður Eldingar og Ketill Elíasson stjórnarmaður í LS
