Aðalfundur Árborgar var haldinn í Þorlákshöfn 17. september sl. Á fundinum voru rædd fjölmörg mál sem varða félagsmenn í LS. Meðal þeirra voru veiðar smábáta á makríl, veiðigjöld og línuívilnun.
Fundurinn var á einu máli um að raunhæft markmið varðandi makrílveiðar smábáta væri 20 þús. tonna veiði. Þá taldi fundurinn brýnt að hækka frítekjumark fyrir sérstakt veiðigjald úr 30 tonnum í 100 og hálft gjald í 200 tonn.
Línuívilnun fékk sérstaka umræðu og voru fundarmenn sammála um að hún ætti að gilda um alla dagróðrabáta, en takmarkast við 4.000 þorskígildi í hverjum róðri. Með því væri stuðlað að hófsamari sókn og bættri meðferð afla.
