Í aðdraganda ársfundar hefur Gildi lífeyrissjóður sent sjóðfélögum upplýsingar um starfsemi sjóðsins á árinu 2012.
Ánægjulegt er að segja frá því að vel hefur tekist að ávaxta inneignir sjóðfélaga á árinu, raunávöxtun er 7,4%, sem er myndarleg hækkun frá 2011 þegar hún var 2,9%. Meðaltal hreinnar raunávöxtunar sl. 5 ár [2008 – 2012] er neikvæð um 4,2%, en þegar tekið er 10 ára tímabil er ávöxtunin hins vegar jákvæð um 3,4%.
Gera má ráð fyrir mikilli breytingu á 5 ára meðaltalinu eftir næsta rekstrarár þegar 2008 árið dettur út. Á hrunárinu tapaðist mikið fé og inneignir sjóðfélaga rýrnuðu að sama skapi og var árið gert upp með 26,7% neikvæðri raunávöxtun.
Ársfundur Gildis verður haldinn 23. apríl nk.
Sjá nánar: Gildi lífeyrissjóður 2012.pdf
