Alls hafa 210 bátar hafið grásleppuveiðar frá því vertíðin hófst 26. mars sl. Veiðitímabilið fyrir norðan og austan stendur til 8. júní en nú þegar hafa 134 bátar lokið veiðum í þá 32 daga sem þær eru heimiliðar.
Fjöldi veiðileyfa það sem af er vertíð eru um fimmtungi færri en í fyrra. Flestir hafa verið á veiðum á svæð E sem nær frá Skagatá að Fonti 96 bátar, en þar voru 123 bátar í fyrra.
Aðeins á eftir að hefja vertíð á einu svæði, þ.e. í innanverðum Breiðafirði 20. maí. Á því svæði stunduðu 50 bátar veiðar á vertíðinni 2015.
Í samantekt sem LS hefur unnið kemur fram að veiðin er svipuð á hvern dag og hún var í fyrra.
Aflahæstu bátarnir það sem af er vertíð eru:
|
Helga Sæm |
ÞH 78 |
Kópaskeri |
68,4 tonn |
|
Sigurey |
ST 22 |
Drangsnes |
66,6 tonn |
|
Máni |
ÞH 98 |
Húsavík |
65,6 tonn |
|
Sigrún Hrönn |
ÞH 36 |
Húsavík |
65,0 tonn |
|
Simma |
ST 7 |
Drangsnesi |
64,0 tonn |
Í Fiskifréttum þann 4. maí sl. var rætt við Örn Pálsson um grásleppuvertíðina.
