Fundur var haldinn í stjórn LS 19. ágúst sl. Þar var m.a. fjallað um þá stöðu sem upp er komin í makrílveiðum smábáta. Frá því sjávarútvegsráðherra ákvað að stjórna veiðum smábáta með aflamarki hefur jafnt og þétt dregið úr áhuga smábátaeigenda á að stunda veiðarnar. Nú er svo komið að aðeins 37 smábátar eru á makrílveiðum. Afli hjá þeim hefur verið með miklum ágætum, meðaltalið hærra en nokkru sinni. Þegar síðustu tölur voru skoðaðar höfðu þeir veitt alls 3.166 tonn eða að meðaltali 86 tonn á bát.
Á fundinum komu fram áhyggjur yfir hversu fáir bátar væru farnir á veiðar, en hins vegar almenn ánægja með hversu vel gengur hjá þeim sem eru byrjaðir. Það er aftur á móti deginum ljósar að nægar veiðiheimildir eru til staðar í smábátakerfinu (flokki línu og handfærabáta) og því engin ástæða til að stjórna þeim með aflamarki. Þeirri skoðun var fylgt eftir með eftirfarandi áskorun til sjávarútvegsráðherra:
„Stjórn LS skorar á sjávarútvegsráðherraað gefa makrílveiðar smábáta nú þegarfrjálsar.Greinargerð:Samkvæmt upplýsingum frá Fiskistofu eru veiðiheimildir smábáta10.018 tonn, þar af úthlutað 8.018 tonnum til 188 báta og 2.000tonn í bráðabirgðaákvæði sem merkt er smábátum. Alls hafa 33bátar hafið veiðar og er afli þeirra nú alls 2.764 tonn.Breytingin kæmi í veg fyrir stöðvun veiða þeirra báta sem nýta sittaflamark með veiðum.
Samþykkt á fundi stjórnar LS þann 19. ágúst 2016.
