Fyrstu umræðu um frumvarp til laga um breytingar á núverandi
lögum um stjórn fiskveiða er lokið. 
Frumvarpið er nú til umfjöllunar í sjávarútvegsnefnd og hafa fulltrúar
LS verið boðaðir til fundar hjá nefndinni nk. mánudag 6. júní.  Á fundinum mun LS veita umsögn um frumvarpið
og freista þess að ná fram breytingum á því.

Helstu atriði frumvarpsins:

• Aflaheimildir til strandveiða verði auknar úr 6.000
  tonnum í 9.000 tonn

• 2012 verði eigendum báta minni en 3 brt. leyft að velja
  milli tveggja strandveiðikerfa.  
  Núverandi kerfis eða veiðikerfi sem gildir eingöngu fyrir báta minni en
  3 brt.  Hluti 3.000 tonna aukningar fer í
  minna kerfið.

• 2012 verður leyfi til strandveiða skilyrt við að eigandi
  viðkomandi báts rói sjálfur.
• 
  

• Öll skip sem hafa aflahlutdeild skerðist jafnt vegna
  aflaheimilda sem fara til strandveiða, línuívilnun og eflingu byggða
  („pottana).  

• Á næsta fiskveiðiári verði ráðherra heimilt að auka veiðiheimildir
  til stuðnings byggðarlögum um 8.000 tonn – þorskur 6.000 tonn, ýsa 1.200 og
  ufsi 600.

• Sveitarfélög geti sjálf sett sér reglur- innan sérstaks
  ramma – og sjái sjálf um úthlutun

• 30% hámark verði sett á tegundatilfærslu, þ.e. hversu miklu
  má breyta af úthlutuðu aflamarki til veiða á öðrum tegundum. 

• Viðmið vegna útreiknings á veiðigjaldi verði hækkað um
  70%.  Ráðherra veitt heimilt til að meta
  afkomu einstakra útgerðarflokka við álagningu gjaldsins.

• Á yfirstandandi fiskveiðiári og því næsta verði ráðherra
  heimilt til að leigja út tiltekið magn af skötusel og síld.

• 1.000 tonnum af keilu og 2.000 tonn af löngu verði ætlað
  í meðafla.  Mörkin verða 10% af
  heildarafla annarra tegunda.

Skýringar v. minna frumvarp 18.5.2011.pdf

Hlustun á 1. umræðu frumvarpsins.