Landssamband smábátaeigenda hefur sent Gunnari Braga Sveinssyni sjávarútvegs- og landbúnaðarráðherra bréf um þá stöðu sem komin er upp í strandveiðum á svæði D.
Í bréfinu er ítrekuð áhersla LS að ráðherra auki við veiðiheimildir til strandveiða þannig að ekki komi til stöðvunar veiða í miðjum mánuði.
Þá skorar LS á ráðherra að bregðast tafarlaust við breyttum aðstæðum á svæði D. Við ákvörðun um skerðingu aflaviðmiðunar á svæðinu um 200 tonn hafi hann lagt til grundvallar að aflaviðmiðun hefði ekki náðst á undanförnum árum. Sú forsenda er brostin, afli og þátttaka í veiðunum hefur stóraukist milli ára. Skorað er á ráðherra að bregðast nú þegar við með því að hækka aflaviðmiðun.
Sjá nánar:
