Birtar hafa verið í Stjórnartíðindum fjórar reglugerðir um veiðar á fiskveiðiárinu sem hefst fimmtudaginn 1. september.
Samanburður milli ára á veiðiheimildum í þorski og ýsu sýnir að veiðiheimildir í þorski skerðast um 6,3%, verða 206 436 tonn, en leyfilegur heildarafli í ýsu eykst um 46,4% og verður 60 259 tonn.
Í reglugerð um veiðar í atvinnuskyni er tafla sem sýnir hversu mikið kemur í 5,3% pottinn. Þar kemur m.a. fram að viðmiðunarafli þorsks til strandveiða verður óbreyttur milli ára 10 þúsund tonn.
