Birtar hafa verið í Stjórnartíðindum fjórar reglugerðir um veiðar á fiskveiðiárinu sem hefst 1. september næstkomandi.
Leyfilegur heildarafli í þorski verður 209 194 tonn, í ýsu 74 711 tonn og ufsa 66 418 tonn.
1,3% aukning í þorski – 2.758 tonn, 23,3% aukning í ýsu – 14 142 tonn, en leyfilegur heildarafli í ufsa minnkar um 6,6% – 4 727 tonn.
Í reglugerð um veiðar í atvinnuskyni er tafla sem sýnir hversu mikið kemur í 5,3% pottinn. Þar kemur m.a. fram að viðmiðunarafli þorsks til strandveiða verður óbreyttur milli ára 10 þúsund tonn.
