Smábátaeigendur hafa tekið veðurblíðunni fagnandi. Fjöldi báta er nú á sjó í Faxaflóa og við Reykjanes eins og sjá má á skjáskoti af vef Marine Traffic.
Veiðar á handfæri eru nú annað árið í röð með miklum ágætum. Í fyrra komust menn á bragðið og fór aflinn á fyrstu 16 dögunum í mars 2016 úr 174 tonnum í 437 tonn sem er nánast upp á tonn það sama og veiðst hefur í ár.
Mikill hluti þessa afla hefur verið seldur á fiskmörkuðunum og er meðalverðið nú 227 kr/kg en var í fyrra 215, 5% hækkun milli ára.
