Á fundi sveitarstjórnar Skagastrandar föstudaginn 14. ágúst sl. lagði Halldór G. Ólafsson oddviti fram eftirfarandi bókun:
„Sveitarfélagið Skagaströnd skorar á sjávarútvegsráðherra að grípa til aðgerða til þess að tryggja öllum strandveiðibátum 12 leyfilega veiðidaga í ágúst.
Fyrirséð er að heildarafli sem ætlaður var til strandveiða mun klárast á næstu dögum með þeim afleiðingum að veiðar fjölda báta um allt land munu stöðvast. Slíkt mun hafa neikvæð áhrif á tekju fólks, fyrirtækja og sveitarfélaga vítt og breytt um landið á sama tíma og stjórnvöld keppast við með beinum og óbeinum aðgerðum að halda hjólum atvinnulífsins gangandi á tímum heimsfaraldurs Covid 19.
Samþykkt samhljóða með fimm greiddum atkvæðum.
