LS hefur tekið saman samanlagðan afla skipa í afla- og krókaaflamarki í þorski, ýsu og ufsa á fyrstu sjö mánuðum fiskveiðiársins.  Töflurnar sýna jafnframt nýtingu aflaheimilda og stöðu í lok hvers fiskveiðiárs. 

Þorskur

Þorskafli er kominn yfir 139 þúsund tonn sem jafngildir 69,5% af heimildum fiskveiðiársins.  Óveidd eru rúm 61 þúsund tonn fyrir þá fimm mánuði sem eftir eru af árinu.  Sambærilegar tölur fiskveiðiársins 2022/2023 voru 59 þús tonn og 70,5%.  Hlutföllin nú eru nokkru hærri en þriggja fiskveiðiára þar á undan, tímabilið 2019-2021.  Lægst var það 2019/2020 60,6%

 62,4% og þá voru óveidd um 106

 101 þúsund tonn.   *leiðrétt ÖP 18.4.

Samtala óveiddra heimilda síðustu fjögur fiskveiðiárin 2019-2022 voru 16 þúsund tonn.

*16.4. leiðrétt tala úr 19 í 16.

	Þorskur
1.9. – 31.3.	Aflaheimild	Afli	Óveitt	Veitt	Staða í lok árs
2023/2024	200.541 Tonn	139.327 Tonn	61.215 Tonn	69,5%	??
2022/2023	200.779 Tonn	141.639 Tonn	59.140 Tonn	70,5%	-1.592 Tonn
2021/2022	220.267 Tonn	147.280 Tonn	72.987 Tonn	66,9%	-50 Tonn
2020/2021	258.384 Tonn	162.616 Tonn	95.768 Tonn	62,9%	4.112 Tonn
2019/2020	268.287 Tonn	167.316 Tonn	100.971 Tonn	62,4%	13.387 Tonn

Ýsa

Ýsuafli nálgast 50 þúsund tonnin.  Það er meira á þessu sjö mánaða tímabili en á undanförnum árum.  Aftur á móti er hlutfall sem veitt hefur verið það lægsta á tímabilinu frá fiskveiðiárinu sem hófst 1. september 2019, 64,2%.  Það hefur verið í kringum 70%. að undanskildu fiskveiðiárinu 2019/2020 en þá höfðu 86,5% aflaheimildar verið nýttar í lok mars.*yfirstrik ÖP 18.4.

Þegar árin voru gerð upp kom í ljós að samanlagður umframafli fjögurra fiskveiðiára nam 13 þúsund tonnum.  Gera má ráð fyrir að sú tala jafnist nokkuð með yfirstandandi fiskveiðiári.

	Ýsa
1.9. – 31.3.	Aflaheimild	Afli	Óveitt	Veitt	Staða í lok árs
2023/2024	74.380 Tonn	47.745 Tonn	26.635 Tonn	64,2%	??
2022/2023	61.014 Tonn	43.883 Tonn	17.131 Tonn	71,9%	-3.534 Tonn
2021/2022	43.448 Tonn	31.619 Tonn	11.829 Tonn	72,8%	-4.256 Tonn
2020/2021	54.078 Tonn	38.222 Tonn	15.857 Tonn	70,7%	-3.041 Tonn
2019/2020	44.199 Tonn	30.386 Tonn	13.812 Tonn	68,7%	-2.187 Tonn

Ufsi

Eins og sjá má hefur ufsi ekki gefið sig til veiða í því magni sem útgefnar veiðiheimildir segja til um.  Á fjórum árum hafa um 145 þúsund tonn ekki nýst sem afli.  Miðað við meðalverð á fiskmörkuðum tímabilið 1. september 2019 til og með 31. ágúst 2023 er aflaverðmæti þessa magns hvorki meira né minna en 26 milljarðar.   Á yfirstandandi fiskveiðiári bendir allt til þess að hlutfall ufsa sem ekki nýtist með veiðum verði það hæsta á því 5 ára tímabili sem hér er fjallað um.

Með tilliti til þessara upplýsinga er óskiljanlegt að drög að frumvarpi til laga um sjávarútveg sem fv. matvælaráðherra lagði fram í Samráðsgátt skuli kveða á um að ufsi skuli að fullu teljast til „skammtsins“ við strandveiðar.

 Tölur unnar af heimasíðu Fiskistofu.