Hafrannsóknastofnun tilkynnti í dag veiðiráðgjöf fyrir næsta ár.  Samkvæmt aflareglu stjórnvalda verður óhætt að veiða um 14 þúsund tonnum meira af þorski á næsta fiskveiðiári en í ár.  

Þvert á spá stofnunarinnar á síðasta ári fer veiðistofn nú stækkandi.  Hann er 1.356 tonn eða 14% stærri en spáð var.  Helsta ástæða þess að spáin gekk ekki eftir er að meðalþyngdir reyndust hærri en áætlað hafði verið.  Rétt er að minna á að góð innistæða hefur því verið fyrir gagnrýni LS varðandi mælingar stofnunarinnar á meðalþyngdum sl. árs.  LS sagði þær tölur ekki standast og væri stærð stofnsins því vanmetin.  LS hvatti ráðherra í kjölfarið að gefa út meiri þorskkvóta á grundvelli þessa.  

Svo virðist vera að ýsan hafi sett í fluggírinn.  Hafró leggur til að veiði verði aukin um 20%.

Taflan sýnir tillögur Hafró í helstu tegundum